利物浦今季英超笃定排第5位，无缘下届欧联，盛传球星穆罕默德沙拿可能会因而提出转会。不过，领队高普派定心丸，话呢位埃及国脚一定会留队。

高普话：「我好肯定沙拿十分喜欢留喺利物浦，如果有球员同我讲，冇得踢欧联就要离队，我会立即亲自送佢去其他球会，但沙拿一定唔系呢种人。」

现年30岁嘅穆罕默德沙拿今季为利物浦上阵50场射入30球及15次助攻，仍然系红军进攻主将，加上佢仲有2年合约，相信利物浦唔会轻易放走呢位射手。