哥迪奥拿未满足:赢埋欧联冠军先算完美!
2023-05-23 来源: 八一体育 点击
曼城喺英超实现3连霸,领队哥迪奥拿亦成为曼联传奇费格逊之後,第2个实现英超3连冠嘅领队,正式建立「蓝月王朝」。曼城仲有机会挑战曼联99年嘅「3冠王」霸业,哥迪奥拿亦表明,只有赢埋欧联冠军,呢个曼城王朝先称得上系「完美」。
近6季5夺冠军,曼城建立出欧洲球坛其中一个最辉煌嘅王朝,不过哥迪奥拿仲未满足:「我嘅感受系虽然有5个英超冠军,但仲争欧联决赛......曼城已经赢咗好多,但唔可以否认只有欧联冠军,先会赋予呢个成就最高嘅价值,冇欧联冠军嘅王朝并唔完整。」曼城将会喺6月11日欧联决赛,同国际米兰争逐王座。
哥迪奥拿捧盃後,亦不忘赞扬徒弟阿迪达带领嘅阿仙奴:「以我同阿迪达嘅关系,我恭喜佢将阿仙奴带番去昔日嘅光辉,今季同之前斗利物浦一样,佢哋将曼城逼到去极限。好多人惯性睇小阿仙奴,佢哋都系胜利者,佢哋令我绞尽脑汁去赢,令到我哋踢出最好嘅一面。」
上一篇:2022/23赛季英超冠军-曼城 | 下一篇:阿积士今夏放售加纳快翼 曼联等接货 |
相关阅读
- 05-23曼城冠军派对 夏兰特做主角被「围攻」
- 05-23PSG赢波99.9%夺冠 美斯缔「双20」神迹
- 05-23阿积士今夏放售加纳快翼 曼联等接货
- 05-23哥迪奥拿未满足:赢埋欧联冠军先算完美!
- 05-23英超独脚戏 纽卡素李城大火并
- 05-23曼城派对「重女」 夏兰特女友罕见拍拖登场
- 05-23艾美利睇中马迪尔 维拉球迷群起反对
- 05-232022/23赛季英超冠军-曼城
更多>>精选阅读