曼城喺今季英超最後一场主场赛事，举行盛大冠军派对，除咗一众职、球员之外，唔少球星嘅家人都有入场一齐庆祝，「重女」嘅庆祝派对相当养眼，其中艾宁夏兰特亦罕见同女友Isabel拍拖登场。

捧盃嘅开心时刻当然要同最亲密嘅人分享，奇云迪布尼、艾达臣摩拉斯、马列斯、尼敦阿基等都系「全家大细」一齐出席，唔少「太太」都有极高颜值，好似马列斯老婆 Taylor Ward就系着名英国真人骚女星。领队哥迪奥拿亦带埋父母同囡囡到场，佢个20岁大女Maria已被捧为新一代性感女神兼网红，盛传曾经同前英格兰国脚迪利阿里拍拖，佢嘅到临亦非常吸睛。

至於平时感情低调嘅艾宁夏兰特，同19岁女友Isabel亦罕有咁拍住拖出现，Isabel本身亦系女子足球员，平时极少同艾宁夏兰特一齐喺公开场合出现，今次庆祝捧盃当然要同爱人分享喜悦啦！