阿积士翼锋古达斯最近拒绝续约，并通知会方有意今夏离队，阿积士亦唔再留人，打算今夏放售，标价4000万镑(约3.9亿港元)，最大买家曼联准备接货。

古达斯年仅22岁，去年代表加纳出战卡塔尔世盃，今季各项赛事上阵48场入22球6助攻，佢同阿积士合约到2025年到期，双方上月展开续约谈判，阿积士希望同佢续约1年，但遭拒绝。

古达斯其後表态有意离队，消息传出後，随即吸引多队注视，包括曼联、阿仙奴同纽卡素，其中曼联因为坦哈格关系，成为阿积士最大买家，去年先後高价签入利辛度马天尼斯同安东尼马菲奥斯，古达斯亦系佢昔日阿积士旧部，自然希望照单全收。