阿根廷球王美斯去向揭盅！美斯周四(8日)宣布已经同国际迈亚密达成协议，将会选择加盟呢间美职球会。转会专家Fabrizio Romano形容，呢单交易对国际迈亚密、美斯及美职都系一份巨大嘅合约。

美斯同时接受《世界体育报》、《每日体育报》专访，解释佢未有重返巴塞隆拿嘅决定。美斯表示已经寻求任何可能重回巴塞隆拿嘅方案，但可惜未能倾掂数。美斯表示：「经过2年前嘅事(被逼离开巴塞)，我唔想再行番同一条路，将未来交去其他人手上，我想同家人决定自己嘅未来。」虽然亦有传沙特阿拉伯球会希拉尔出巨额年薪吸引美斯加盟，但未获呢位阿根廷球王接纳。

国际迈亚密班主之一为「万人迷」碧咸，佢加埋美斯嘅商业效果肯定唔简单，有报道指，美职商业合作夥伴苹果公司及adidas亦为合约提供一部分赞助。