曼联中场卡斯米路最近无端端卷入桃色风波，巴西媒体《Leo Dias》近日爆料，指卡斯米路曾经背住老婆搞婚外情长达5年时间。不过卡斯米路老婆Anna就对丈夫投以100%信任，仲反击叫传媒要先查核资料来源，唔好屈得就屈。

据《Leo Dias》爆料，卡斯米路喺效力皇家马德里期间，同一名喺巴塞隆拿工作嘅巴西女子Sinttya Ramos搞婚外情，对方系喺一间朱古力公司担任售货员，报道更公开疑似系卡斯米路同Sinttya Ramos嘅对话讯息，卡斯米路叫对方辞职，而两人自2022年底开始就冇再联络。

同卡斯米路育有2个仔女嘅Anna，对於老公嘅为人就投以信心一票，佢喺自己社交网留言：「喂！你哋认真?？唔该你哋先调查一下自己嘅资料来源，我自己就查过，报道讲嗰个人根本唔系佢(卡斯米路)。」