每隔一段时间就转会嘅艾华路莫拉达，最近拒绝来自沙特嘅年薪5,000万欧元(约4.28亿港元)肥约，反而同马体会减薪续约至2026年，原来佢续约主要系为咗方便外借，而新合约解约金只须1,000万欧元(约8,570万港元)，罗马对此表示兴趣。

西班牙传媒报道，莫拉达近日获来自沙特球队邀请，提供5,000万欧元年薪，条件十分吸引，不过30岁嘅莫拉达暂时无意离开欧洲，佢希望继续留喺欧洲比赛。

莫拉达同马体会续约至2026年，新合约减低人工，可见佢并唔太重视金钱，如果有合适球队就会外借。

近日罗马透过保罗戴巴拿，向莫拉达展开斟介行动，并处於有利位置。罗马原本睇中施卡马卡，但莫拉达似乎系更佳选择。