基利安麦巴比同巴黎圣日耳门(PSG)续约纠纷进入胶着状态，麦巴比唔肯激活续约条款，但又未能转投皇马，原来系受佢阿妈兼经理人影响，西班牙传媒报道指麦巴比阿妈为咗收取PSG高达1.2亿欧元(约10亿港元)忠诚奖金，阻止阿仔离队。

《eldebate》报道，麦巴比原本可以今夏转会皇马，对方亦准备支付2亿欧元转会费，但遭麦巴比阿妈阻止，因为PSG正争取同麦巴比续约，仲有高达1.2亿欧元忠诚奖金，佢阿妈就系想攞到呢笔钱。

麦巴比去年已经放过皇马一次飞机，应承咗加盟但最後同PSG续约，今次轮到阿妈介入，虽然麦总表明唔会激活PSG嘅续约条款，但佢阿妈唔识足球，剩系认钱，只要PSG畀得起钱就搞掂，睇嚟麦总想去皇马，要先过阿妈嗰关。