巴甲榜末抢分战，戈亚斯主场迎战哥列迪巴。两队都系护级分子，戈亚斯近况稍佳，近3仗取得两胜，今场更有主场之利，赢波机会睇高一线，至於哥列迪巴今季联赛踢咗12场都仲未开斋，6仗联赛作客更录得1和5负，今场随时又要送分，戈亚斯小让平半，上盘机不可失。（周二早上7时开赛）

戈亚斯同哥列迪巴近年都系难兄难弟，2020年一齐降班，一年後两队齐齐升班重返巴甲，上季亦双双护级成功，今季一开波两队又跌落榜下游，现时戈亚斯情况冇咁恶劣，今季12战取得3胜2和7负，暂时有11分，具一定抢分能力，而且佢哋喺南美球会盃G组更以6战3胜3和佳绩高踞榜首，以球队展示嘅战斗力，照计今年唔忧降班。

哥列迪巴情况就差好远，佢哋今季开局连场失利，12仗仅得4和8负未尝一胜，仅入9球失26球，失球数字排巴甲倒数第2，当中作客狂失18球，包括上仗作客1比5大败於甘美奥脚下，联赛作客1和5负成绩垫底，已沦为各队嘅「私房菜」，其他球队对住哥列迪巴都以全取3分为目标，赢唔到就好蚀底，相信戈亚斯今场都有同样心态，主场迎战鱼腩，正系开大餐嘅好时机。