今日同大家研究墨超联赛，利昂主场迎战帕丘卡。利昂早前专注中北美洲冠军盃，难免顾此失彼，导致联赛成绩劲跌Watt，开季首轮即输波，帕丘卡就冇咁多牵挂，可以专心打联赛，而且两队近4次交手，帕丘卡3胜1负，受让平半下盘有计。（周二早上10时开赛）

利昂刚喺中北美洲冠军盃过关斩将，决赛两回合双杀美职霸主FC洛杉矶，成功捧盃，表现冇得顶，不过针冇两头利，利昂为争呢个盃令到联赛成绩急跌，跨季联赛7仗仅得1胜，唯一一场胜仗系击败同样要兼顾中北美洲冠军盃嘅堤格雷斯，而佢哋捧盃之後抖咗唔够1个月，今季墨超首阶段又开锣，首轮即以1比2不敌瓜达拉哈拉，联赛跌势似乎停唔到。

帕丘卡实力唔嘢小，佢哋系上季首阶段冠军，次阶段亦排喺前列，虽然最後喺墨西哥冠军盃1比2仅输畀堤格雷斯，但喺墨超绝对系争标分子，连同首轮作客1比1赛和FC马萨特兰，帕丘卡跨季联赛4仗2胜2和不败，作客成绩亦硬净，上季次阶段作客9仗赢咗6场，加上同利昂对赛往绩占上风，今场有力抢分，下盘要捧场。