列斯联降落英冠後，成功邀请德国籍教头丹尼尔法基出任新领队，佢曾经两次带领诺域治升上英超，系「升班圣手」，据报道佢将於日内上任。

《Football Insider》报道，丹尼尔法基即将成为列斯联领队，佢曾於2017至2021年执教诺域治，初接手球队，佢用咗2季时间帮球队以英冠冠军资格升上英超，可惜上到英超一季就降班，但之後一季佢又帮球队夺得英冠冠军重返英超，不过上到英超後因为成绩差被炒。

46岁嘅丹尼尔法基离开英超後，转到俄超卡斯洛达执教，期间因为俄罗斯入侵乌克兰而离队，上季执教慕逊加柏，球队喺德甲排第10，球季结束後被辞退，令佢有机会重返英伦搵食。