热刺今季新人事新作风，澳洲领队普斯迪高路上任後，大军依家就喺佢家乡进行集训，周二(18日)同韦斯咸喺珀斯踢热身赛。普斯迪高路喺赛前练习入面，特别安排一班原主民表演者进行祈福仪式，哈利卡尼等球星都睇到眼定定。

热刺飞去澳洲第一课练习，就安排一次特别嘅欢迎仪式，球会请嚟澳洲着名原住民表演者Richard Walley率领佢嘅团队进行表演，包括祈求热刺球队旅程安全同得到保护，哈利卡尼、占士麦迪臣等球员就围圈观赏表演，最後拍晒手掌，似乎相当满意。

对於今次澳洲之旅，普斯迪高路表示会对球员进行调整：「虽然我哋未齐人，但对依家呢班球员，我会开始调节佢哋嘅思维、调整佢哋对比赛嘅睇法，甚至系佢哋嘅角色。我享受呢个挑战，呢个系我答应执教嘅原因，我会带球队摆脱近3、4年嘅打法。」