【有片】美斯劲爆首演!罚球绝杀做戏咁做
2023-07-23 来源: 八一体育 点击
北美足球历史性时刻周六(22日)朝早出现,阿根廷「球王」美斯首次为国际迈亚密上阵,佢喺54分钟後备登场,表现相当抢镜,最後更喺补时最後一刻射入精彩罚球,带领国际迈亚密喺北美联赛盃2比1绝杀蓝十字,「荷里活式」嘅首演剧情真系做戏咁做!
周六开打嘅北美联赛盃系美斯登陆美职後首演舞台,班主碧咸亲临观战,勒邦占士、阿古路等体坛巨星亦有入场,美斯同布斯基斯今场先任後备,国际迈亚密喺完半场前由罗拔泰莱入波领先。全球注目一刻喺54分钟出现,美斯同布斯基斯齐齐後备登场,令全场球迷为之疯狂。
美斯以中场自由人身份上阵,掂波机会极多,不过墨西哥球队蓝十字整体能力较国际迈亚密高,65分钟由乌利尔安度拿追平。美斯频频发动攻势都无功而还,去到补时2分钟嘅最後一刻,美斯喺禁区顶博到罚球,佢亲自处理轰入招牌罚球,戏剧性带领国际迈亚密赢波。
美斯赛後表示:「我知道我一定要射入,呢个罚球系全场最後一脚,呢场胜仗非常重要,今场系一项新赛事嘅展开,今仗令我哋更有信心继续前进。」入波後兴奋到眼湿湿嘅碧咸亦表示:「老实讲当个罚球出现,我知道结果局会系咁。今晚所有人都好兴奋,大家都想亲眼见证美斯落场,喺球场内目睹呢一切系梦想成真。」
上一篇:麦巴比同皇马签秘密协议 PSG踢出集 | 下一篇:爱伦韦特:三狮「大」「海」无量 |
相关阅读
- 07-23爱伦韦特:三狮「大」「海」无量
- 07-23爱伦韦特:瑞典实力「非」同凡响
- 07-23【利物浦 vs 曼城 赛後碎念】
- 07-23女子世盃「三角恋」!情敌球场上火爆埋牙
- 07-23利物浦再斟中场 想签埋马高华拉堤
- 07-23【有片】美斯劲爆首演!罚球绝杀做戏咁做
- 07-23新兵博表现擦出火花 阿仙奴曼联大骚娱宾
- 07-23坦哈格清货 森林准备「打包」曼联双星
更多>>精选阅读