去年卷入虐打、强奸女友丑闻嘅曼联前锋格连活特，今年2月获警方撤销指控後，近期开始提升训练为复出做准备。据英国《太阳报》报道，曼联将会喺英超开咧前，就格连活特去留作出决定，领队坦哈格同一众队友都撑佢复出。

21岁嘅格连活特获撤销控罪後，仍被曼联以内部调查为由停操停赛，《太阳报》指最後决定将喺英超开锣前作出，坦哈格同一众曼联球员都支持呢位年轻前锋复出，预料曼联嘅决定会系安排佢重新加入一队，或者将佢外借去其他球会。

格连活特同「家暴」女友Harriet Robson已和好如初，女方上个月更为格连活特诞下男婴，呢位球星日前喺一个训练场同朋友练习期间，佢爸爸更抱住BB陪练。消息人士指：「所有曼联球员都觉得格连活特值得有第2次机会，而且佢喺法律上系无罪，球员愿意支持佢同保护佢。」