曼联领队坦哈格证实，班顿威廉斯同云迪碧克可以转会，表示暂时唔会用呢两个球员。

坦哈格在曼联0比2不敌热刺之後，讲到球队现时情况，前队长哈利马古尼未有随队出发，系因为赛前操练时有轻伤，但班顿威廉斯同云迪碧克，坦帅就直接表示，佢两个可以离队。

坦哈格表示：「我唔会用佢哋，球员正在寻求其他出路，当然，佢哋喺队中付出最大努力，认真操练，班顿(威廉斯)、唐尼(云迪碧克)，我对佢哋表现感到满意，亦对佢哋季前热身赛嘅表现感到满意。」

班顿威廉斯系曼联青训产品，不过上季被揭发喺公众场合吸笑气，对於重视纪律嘅坦哈格嚟讲等同触犯天条，被踢走属意料中事；至於云迪碧克系坦哈格阿积士嫡系，但曼联要交成绩，坦帅只能够大义灭亲。