车路士酝酿内乱，新任主帅普捷天奴在英超赛前记者会突然发难，公开批评队中某些球员，叫佢哋如果唔想踢就离队，反映球队内部似乎并不和谐，球迷网民纷纷侦探上身，猜测内鬼是谁。

车路士嚟紧作客韦斯咸，普捷天奴喺赛前记者会表示：「如果佢哋唔想为自己位置而战，甚至认为自己唔系球队一分子，唔想踢嘅话，球队大门时常打开(离队)。」

蓝战士今夏大换血，换咗半队，连普捷天奴都系新上任，短短日子已经出现内部问题，网民猜测普帅所讲嘅某些球员是谁，有人估系即将转投纽卡素嘅贺尔，亦有人认为系讲紧卢卡古，甚至史达宁都有可能，总之众说纷纭。