英超上演伦敦打吡，韦斯咸主场迎战车路士。两队上场都和波，不过论表现车路士对办得多，今场仲有新兵摩西斯卡些度登场，值得睇好，加上近6次交手车路士4胜1和1负，明显占优，客胜看高一线。（Now 621及611周日晚11时30分直播）

韦斯咸喺英超首战作客末段畀般尼茅夫逼和1比1，对方追和之前仲有一次劲射中楣，反映球队後防并唔稳阵，就算前边入到波，後防都顶唔住，至於新加盟嘅禾特普斯同艾臣奥马艾华利斯都会上阵，两人首次合作，帮唔帮到手属未知之数。

车路士首轮同利物浦踢成1比1，佢哋全场演出更胜红军，前场逼抢制造唔少攻势，虽然列斯占士养伤，但胜在兵源充足，新加盟嘅门将罗拔山齐士同右闸文路古士图获重用，破纪录1.16亿镑加盟嘅摩西斯卡些度又会亮相，仲有罗美奥拉维亚喺赛前官宣转会，阵容鼎盛，落场球员个个抢缰，加上往绩占优，车仔客胜值捧。