曼联将於周六(19日)晚英超作客热刺，根据《曼彻斯特晚报》爆料，红魔鬼20人大军名单，中坚哈利马古尼并冇份入选，令人怀疑呢位30岁英格兰国脚可能已准备离队。

《曼彻斯特晚报》随队记者Samuel Luckhurst指，曼联後衞名单包括达洛治、云比沙卡、华拉尼、域陀连迪路夫、劳基梳尔，甚至连上仗受伤嘅利辛度马天尼斯都有份，但缺少哈利马古尼。

哈利马古尼上仗对狼队，有入选名单，但并冇上阵，近期盛传佢同曼联就「赔偿金」问题倾唔掂，以致未能转投韦斯咸，佢今次冇份随队出征，到底系已经准备转会、受伤，亦或被曼联领队坦哈格雪藏，仍有待跟进。