Hello，我系谢德谦，今季我会喺度同大家倾吓英超！现时我喺英国嘅曼彻斯特，当然要留意吓本地球队曼城主场迎战纽卡素嘅大战，作为球迷有得睇大战当然开心，但两边领队又要烦恼出边位球员打边个阵式，不过计烦恼哥迪奥拿就可能会多少少。

虽然周中赢咗欧洲超级盃，但最後都系要靠12码先赢到西维尔，球员体能有一定嘅消耗，加上中场奇云迪布尼受伤，令到呢场前列争分战又多咗隐忧。庆幸系另一位小将高尔彭马继续有好表现帮到球队，马列斯离队及迪布尼嘅受伤照理可以填补一下空缺，但呢位英格兰U21小国脚就觉得出场时间唔够想走人。

寻日撞到隔离邻居佢喺曼城球迷都倾过呢个问题，佢就话如果放走高尔彭马就好似将自己个仔送咗俾人咁，可想而知球迷都好紧张呢位小将，仲有上场纽卡素状态着晒火，前线几位球员配合出色，中场辛度东拿利地标战波都入埋，我谂曼城要攞晒三分都要俾多少少心机踢先得。