曼联状态谷唔起 热身赛吞般尼3蛋
2023-08-24 来源: 八一体育 点击
开季状态麻麻嘅曼联,周三(23日)喺一场闭门热身赛继续沉沦,对住新升班嘅般尼惨吞3蛋,表现令领队坦哈格相当失望。据法国《队报》报道,曼联准备喺转会窗完结前继续添兵救亡,尼斯嘅法国中坚图迪保盛传接近加盟,转会费为3,400万镑(约3.4亿港元)。
曼联开咧1胜1负,第1场对狼队赢波但表现极差,上仗更净吞热刺2蛋,周六(26日)迎战诺定咸森林前,坦哈格特别安排喺卡宁顿训练基地踢热身赛,对手系新升班嘅般尼。曼联今场用咗7名一队球员带住新人作战,包括安东尼马迪尔、麦汤米尼、云迪碧克等等。
虽然曼联只系半力出击,但一众後备球员状态始终谷唔起,尤其美臣蒙特受伤要抖1个月後,麦汤米尼同云迪碧克都有机会落场,点知今场完全唔够般尼砌,最终惨吞3蛋。今场担正嘅一队球员,唔少都喺坦哈格嘅出售名单上面,输埋之後留队机会更加渺茫。
曼联派後备兵踢热身赛,不过报道指哈利马古尼并冇上阵,预示呢位前队长已冇碇企,据法国《队报》爆料,曼联决定唔理哈利马古尼系咪转会,先补充中坚人脚,3,400万镑收购图迪保「终点在望」,呢位23岁中坚年初入选法国国家队,亦系尼斯嘅副队长,潜力十足。
上一篇:曼城大镬!哥迪奥拿做手术缺席2场领 | 下一篇:C朗首度亮相亚冠盃 艾纳斯颓势让唔起 |
相关阅读
- 08-24惨中7号魔咒?蒙特受伤抖1个月
- 08-24【有片】C朗狂躁推人 爆粗辱骂中国球证
- 08-24星味爆灯超晒班 加拉塔沙雷反转莫迪
- 08-24车仔黑到爆 入波新星开刀抖6周
- 08-24国内球迷力撑C朗:中国球证丢脸丢到国外
- 08-24利物浦好消息 中场硬汉打甩红牌可斗纽卡素
- 08-24C朗变「方丈」?格连活特登陆沙特要问过佢
- 08-24奥拿拿有对手了 曼联将签土耳其钢门
更多>>精选阅读