C朗喺周六(26日)凌晨沙特阿拉伯联赛大发神威，轰入3球及1次助攻，取得球员生涯第63次帽子戏法，协助艾纳斯作客以5比0大胜艾法特，赛後呢位38岁前锋罕有主动向球证索取签名，并豪言沙特联赛将成为世界第5大联赛。

C朗上仗亚冠盃不满中国球证傅明多次漏判12码，同对方发生激烈争吵，但呢位葡萄牙星今场联赛好满意球证艾哈比执法水平，赛後主动搵对方喺比赛专用皮球上签名，并拎走个波留念，两人仲好开心合照。

C朗接受访问时再次豪言，沙特联赛将成为世界第5大联赛：「沙特联赛正在不断进步，将来会成为世界前5大联赛之一，但仍然需要时间、更好嘅球员、更完善嘅设施，我坚信呢个国家有惊人潜力。」

事赛上，自从C朗登陆沙特阿拉伯之後，已愈来愈多球员追随佢步伐去当地搵食，包括宾施马、尼马等巨星，论星级味沙特联赛的确拍得住欧洲主流联赛。