曼城後衞祖奥简斯路终於有班落，就系落实免费外借到巴塞隆拿，而佢买断转会费都唔贵，只需2,500万欧元(约2.1亿港元)，相当抵玩。

29岁嘅祖奥简斯路可担任左、右闸同中场多个位置，佢喺德国《转会市场》身价系5,000万欧元(约4.25亿港元)，依家曼城不但免费外借畀巴塞，仲半价出售，简直系半卖半送益街坊。

祖奥简斯路踢过国米、祖记、曼城同拜仁，上季喺曼城同拜仁各踢半季，连捧英超同德甲冠军，不过佢得罪哥迪奥拿，又畀拜仁退货，今夏曼城宣布放佢离队以来，各大豪门都冇乜反应，球圈对呢位葡萄牙国脚嘅评价麻麻，巴塞得到佢不知是福是祸。