沙治奥拉莫斯离开巴黎圣日耳门之後，并未跟大队去沙特落班，消息指佢将会去土耳其，加盟班霸加拉塔沙雷，如果球队喺欧联附加赛晋级，拉莫斯将会喺欧联亮相。

意大利记者斯基拉报道，拉莫斯距离加盟加拉塔沙雷只有一步之遥，佢依家系自由身，唔使转会费，加拉塔沙雷准备同佢签约1年，另加1年优先续约，年薪系1,000万欧元(约8,500万港元)，同莫路伊卡迪睇齐，系队内顶薪。

拉莫斯已经37岁，《转会市场》显示其身价为450万欧元，近两季佢喺巴黎圣日耳门上阵58场入6球，今夏美斯同尼马相继离队，佢都唔例外。