利物浦刚在转会死线前惊险留住沙拿，冇畀佢去沙特，但系过得初一过唔到十五，冬窗话咁快就到，有传媒爆料红军高层近日同拿玻里开启谈判，斟介该队格鲁吉亚国脚基华拉斯基利亚，愿意畀1.5亿镑(约14.5亿港元)转会费交易，以取代沙拿。

虽然伊蒂哈德今夏未能签入沙拿，但该队高层声言唔会放弃，嚟紧冬季转会窗会再嚐试，据报佢哋之前开出2亿镑转会费同500万镑周薪，下次再报价只会有多冇少，到时利物浦同沙拿都好难再坚持，因此红军已开始为未来部署。

22岁嘅基华拉斯基利亚被誉为「新马纳当拿」，除咗利物浦，阿仙奴同曼联都吼实，身价估计8,000万镑起跳，如果多支球队竞争随时破亿镑；英国传媒《indykaila news》报道，利物浦同拿玻里已开启开放性谈判，红军愿意支付1.5亿镑，暂时所见系各队中嘅最高价，因为佢哋一旦出售沙拿，收回至少2亿镑，自然有足够资金签入呢位快翼。