C朗到咗伊朗，准备亚冠分组赛为艾纳斯上阵，作客柏斯波利斯，报道指艾纳斯今次出行极尽奢华，单系包酒店费用耗资150万美元(约1,170万港元)，而亚冠盃每场奖金只系5万美元(约39万港元)。

艾纳斯打亚冠肯定唔系为嗰少少奖金，而系要威，今次到访伊朗，据报佢哋大军入住当地最豪华嘅EspinasPalace酒店，用150万美元包晒两层客房，C朗嘅单人房有成二千几尺，配落地大玻璃浴缸同家庭影院，奢华都极点。

场波未踢，艾纳斯喺气势上都赢九条街，事关伊朗足球环境相对落後，据报当地球场开赛前夕仲喺度查试紧新运来嘅VAR，以取代当地相对陈旧嘅VAR设备。