纽卡素相隔20年再战欧联，首战作客圣西路球场，辛度东拿利注定系焦点人物。呢位意大利国脚今夏以7,000万欧元(约5.84亿港元)，有传佢系被AC米兰「卖猪仔」强逼转会，不过辛度东拿利经理人就澄清，辛度东拿利系被纽卡素嘅计划吸引而自愿转会。

自细系AC米兰球迷嘅辛度东拿利，夏天获球会告知已接纳纽卡素开价後，佢一度落泪；转会纽卡素後参观总部，辛度东拿利又爆出一句「AC米兰健身室更大」，有传AC米兰因为收购价太吸引，所以辛度东拿利系「被逼」转投纽卡素。

重返圣西路前，辛度东拿利经理人列素表示：「英超系足球界入面嘅NBA，纽卡素有世界上最重要嘅班主，佢哋有清晰计划去成为英超同欧联主角，所以辛度东拿利决定把握呢个难得机会。」上星期欧国外，意大利喺圣西路迎战乌克兰，辛度东拿利因伤错过再喺圣西路披甲嘅机会，据报佢依家仲有伤在身，但会力争为纽卡素喺圣西路出战。