已退役前英格兰国脚高治现时担任足球评述员，周六(16日)晚英超狼队主场对利物浦之前，呢位身高2米01嘅高佬前锋同另一位英军名宿祖高尔比试射门，点知高治跣脚射失，并且整个人跌倒碌地，当众出丑，令现场女主持都忍唔住疯狂耻笑。

当时祖高尔率先主射命中，高治射门时，唔好彩跣脚，仲要右脚踢中重心左脚，导致跌到一仆一碌。虽然高治已经挂靴4年，但其实只系42岁，加上身为着名前锋，竟然连射一脚波，都搞到出丑，令人大感意外。高治只能以笑遮丑，祖高尔仲要趁机抽水，话电视台最锺意呢种画面。