曼联头5轮英超2胜3负，巴西中场卡斯米路表现备受批评，虽然佢喺欧联作客拜仁头顶脚踢入两粒，但都掩盖唔到防守失准嘅事实，有网站统计，卡斯米路系今季英超被扭过次数多嘅球员，防中位置形同虚设，曼联成绩想好都难。

足球网站《WhoScored》统计，卡斯米路首5轮英超全部上阵，比赛时间为424分钟，期间被扭过次数多达13次，系今季英超被扭过次数最多嘅球员，变成「雪糕筒」。

卡斯米路嘅表现喺坊间再次掀起讨论，认为佢离开皇马後高峰期已过，名嘴艾邦拉荷直接指出：「佢睇落似个45岁球员，机动性严重不足。」坦哈格其实都发现问题，对白礼顿嘅下半场64分钟将佢换走，不过曼联防中暂时未有更好选择，卡斯米路仍然会系正选。