土耳其足总周五(22日)宣布，意大利名将蒙迪拿成为国家队新领队，双方已经签约3年，下周三(27日)将举行亮相仪式。蒙迪拿最大任务系要带领土耳其出线明年欧国盃决赛周。

土耳其日前宣布将德国领队根斯炒鱿，原本有传会搵勒夫执教，不过最终转向另一曾喺土耳其教波嘅蒙迪拿招手。45岁嘅蒙迪拿曾教过费伦天拿、森多利亚、AC米兰同西维尔等名牌，2年前开始执教土超球队阿达纳铁路，领军76场赢38场，今年6月解约回复自由身，估唔到依家有机会教土耳其国家队。

土耳其足总喺声明表示：「我哋希望新任领队蒙迪拿，可以成功达成佢嘅任务。」土耳其依家目标系出席明年欧国盃决赛周，佢哋依家喺欧国外D组同榜首克罗地亚同分，下个月国际赛期作客克罗地亚嘅大战，将会系蒙迪拿上任首演。