曼联虽然喺周日（24日）凌晨险胜般尼止跌，但王牌射手拉舒福特完场後发生严重车祸，佢架车撞到凹晒，好彩人冇事，真系不幸中之大幸。

事发喺曼联击败般尼後，拉舒福特揸住佢架价值70万镑（约670万港元）嘅劳斯莱斯，离开卡灵顿训练场时发生车祸，从事发後现场所见，佢架车嘅车尾严重凹陷，而安全岛一支柱更被撞到断咗，据报福仔都受惊但冇乜受伤，曼联队长般奴费南迪斯咁啱见到车祸即停车帮手，警察未有拘捕任何人，好彩当时冇人企喺安全岛，如果唔系随时有人伤亡。