多间英国传媒报道，2024年英超官方季前热身赛，好大可能重返亚洲，亦即两年一度嘅英超亚洲盃将会复办，不过喺中国举办嘅机会不大。

《每日邮报》报道，英超今夏喺美国举办季前赛，各方都满意，不过英超赛会明年夏天再喺美国搞比赛嘅机会唔大，好可能转移阵地至亚洲。据称，英超季前赛嘅美国地区转播机构NBC，出年夏天要转播巴黎奥运，兼顾唔到英超季前赛，令英超赛会放弃美国季前赛，改过嚟亚洲。

英超赛会喺亚洲搞季前赛有晒经验，2003至2019年期间试过两年一度搞英超亚洲盃，其中喺香港搞过4次，亦系次数最多同最成功，分别喺2007、2011、2013同2017年，基本上场场爆满，中国搞过2次，其余马来西亚、泰国同新加坡各办1次。

报道又称，除咗2024年夏天，2025年夏天美国举办全新世界冠军球会盃，亦可能同英超季前赛撞期，到时英超季前赛又要搵其他地方举办。