今季成绩愈踢愈沉嘅车路士，後防主力列斯占士近日重返训练场，有望提前喺10月国际赛期後复出，不过呢位英格兰国脚伤愈後又面临停赛危机，上场联赛喺球员通道辱骂球证，被英格兰足总控告行为不检。

列斯占士喺今季英超开咧战对利物浦受伤，原本预计要到年底先复出，不过佢康复进度比预期快，近日已经重返训练场，希望可以喺下个星期全面复操，目标系喺10月国际赛期後首仗，主场对阿仙奴嘅「伦敦打吡」复出。

不幸嘅系，列斯占士上场联赛对维拉虽然冇份入大军名单，但佢到现场观战都出事，据报佢因为不满球证判决，所以喺球员通道辱骂球证，因而被英格兰足总检控，有可能面临停赛处分。