今晚英超焦点战，曼联主场再斗水晶宫。红魔近期两连胜止跌，防守回稳系关键，水晶宫一向稳阵行先，今仗唔敢轻举妄动，加上近3仗联赛全开半场和，值得追多。

（Now 621周六晚10时直播）

曼联早前连输3仗兼狂失10粒，防守曳到冇朋友，主帅坦哈格惟有向现实低头先巩固防线，先喺联赛小胜般尼1比0，日前英联盃大胜今仗对手水晶宫3比0，呢两仗更加1球不失。其中新加盟嘅中场苏夫恩岩拉伯特伤愈复出，上仗斗水晶宫首度担正，佢名为左闸，实际上经常去到中场中路帮波，减轻咗防中卡斯米路嘅重担，系防守回稳嘅主因。

虽然水晶宫日前英联盃惨败畀曼联，但佢哋派出多名副选上阵，输波亦系意料之内，明显对盃赛冇兴趣，联赛抢分先系最重要，预计伊比尔治伊斯、佐基姆安达臣、祖尔禾特等主力，今仗会复任正选。水晶宫老帅鹤臣一向先求稳阵，尤其系初段踢得分外保守，避免太早失波陷於被动，近3仗联赛全开半场和，全部半场波胆都系开0比0，相信今仗会照办煮碗，半场和不妨追多铺。