曼联喺英超主场绝地反胜宾福特，不过防守表现仍然令人担心，除咗门将奥拿拿继续「派胶」，中场卡斯米路亦持续低级犯错，今仗只系踢半场就被换走。曼联领队坦哈格赛後解释换人原因，

「有骨」咁批评该巴西国脚表现，唔少球迷都担心卡斯米路会加入坦哈格嘅「黑名单」。

曼联今场所失1球，系卡斯米路喺中场兜口兜面交失，连同上周欧联对加拉塔沙雷食红牌兼输12码，今季低迷表现似乎令坦哈格都顶唔顺，半场用基斯甸艾历臣入替佢。坦哈格赛後表示：「我想要更多足球！我要一个传到波同连系到球队嘅人。」明显对卡斯米路上半场嘅表现忍无可忍。

卡斯米路日前当选曼联9月最佳球员，已引嚟一众曼迷疯狂炮轰，唔少球迷都支持坦哈格嘅做法：「卡斯米路已经玩完」、「坦哈格终於换啱人」、「等睇卡斯米路出声明反击」、「卡斯米路会入坦哈格黑名单」......