自从爆出将帅不和，曼联打算冬窗期间出售查顿辛祖，不过球员唔系咁谂，据报查顿辛祖只想外借，唔打算转会，因为佢觉得坦哈格唔会留喺曼联好耐。

英国《FootballTransfers》报道，现时被逐出一队嘅查顿辛祖，必须向坦哈格及全队道歉，先可以重返一队，但查顿辛祖则坚信，自己留喺曼联嘅时间一定比坦哈格耐，因此正寻求冬窗外借机会，祖云达斯同多蒙特都有意借用。

报道指，查顿辛祖希望透过外借，令自己保持比赛，继续留喺修夫基嘅视线范围，而最理想情况系坦哈格被炒鱿，佢就可以喺来季重返曼联，同新领队合作。

事实上查顿辛祖喺曼联内部得到有唔少支持，工作人员对佢评价正面，而佢同曼联合约至2026年完结，周薪约为30万镑(约286万港元)。