C朗上月随艾纳斯到访伊朗，喺亚冠盃作客柏斯波利斯，期间竟然犯下通奸罪，如果佢下次再去伊朗，就会被判有罪，处以打藤99下刑罚。

西班牙《世界体育报》引述伊朗传媒报道，C朗上月到访伊朗时，於比赛後探访当地女画家Fatima Hamimi，C朗获赠肖像画作，而C朗就亲吻对方面颊，送上一件签名波衫，然後揽住对方影咗张相。

据报就因为C朗亲吻对方同揽住对方影相呢一系列举动，引起伊朗关注，多名律师认为C朗触犯通奸罪，要对佢提出起诉，不过C朗已经离开伊朗，所以告唔到佢，但只要佢再到访伊朗，就会告佢通奸罪名，要打藤99下。