一向念旧嘅摩连奴又有新目标，今次睇中热刺副队长艾历迪亚。呢位英格兰中坚喺热刺已经踢咗9个球季，但今季喺新领队普斯迪高路执教下沦为後备，摩连奴准备冬窗出手挖角，过档罗马帮手打天下。

29岁嘅艾历迪亚可踢中坚同防中，2014年加盟热刺，上阵361场入13球，摩连奴执教热刺期间深受重用，今季热刺搵嚟普斯迪高路执教，连踢法都大改革，艾历迪亚失去上阵机会，佢合约出年夏天到期，睇怕都冇得留低。

《每日邮报》报道，罗马今季开局唔理想，基斯史摩宁又经常受伤，摩dad需要後防增兵改善表现，佢熟悉艾历迪亚打法，可以即签即用，据报热刺唔会阻碍艾历迪亚离开，摩连奴随时可以免费签到佢。