英格兰反胜意大利出线 最强进攻组合面世
2023-10-20 来源: 八一体育 点击
周三(18日)凌晨欧国外C组赛事,英格兰主场3比1反胜意大利,提前2轮锁定明年决赛周参赛资格。英格兰今场表现唔算突出,但哈利卡尼同祖迪比宁咸呢对进攻拍档,就踢出火花成为「三狮兵团」嘅致胜法宝,领队修夫基赛後直指2人将系英格兰明年争夺冠军嘅关键人物。
呢场上届欧国盃决赛翻版战,英格兰15分钟被施卡马卡近门攻陷先落後,不过佢哋之後重掌战局,箭头哈利卡尼经常堕後策应,让出中锋位置畀祖迪比宁咸後上插入,32分钟就收到效果,祖迪比宁咸中路突破杀入禁区被踢跌,哈利卡尼操刀12码追成1比1平手。
英格兰反超前1球又系祖迪比宁咸表演,呢位皇家马德里球星後场精彩抢波,淡定控波後再交出靓波畀拉舒福特反击,後者不负所托射成2比1。英格兰喺77分钟再由哈利卡尼入波锁定3比1胜局,喺C组6战5胜1和笃定首名出线,连续4届跻身欧国盃决赛周。
祖迪比宁咸今场光芒四射,成功过人、拦截同制造犯规次数都系全场最高,赛後获选为今场最佳球员;攻入2球嘅哈利卡尼亦创造纪录,呢位英格兰史上「士哥王」,喺温布莱球场累积24个入球,超越卜比查尔顿(23球)成为温布莱史上入波最多球员。
修夫基赛後表示:「比宁咸咁嘅年纪(20岁)有咁嘅影响力系难以置信,佢嘅力量、决心、技术喺年轻球员之中非常罕见,佢会系英格兰嘅催化剂!」修夫基对哈利卡尼同样大赞有加:「我哋太习惯哈利卡尼入波,所以低估咗佢对球队嘅重要性,佢嘅全能表现系世界顶级。」
上一篇:195-82:卢森堡足球的小国大梦 | 下一篇:伊度现身富明尼斯 传截劫利物浦猎物 |
相关阅读
- 10-20台湾的Road To World Cup:台湾男足世界盃资格赛
- 10-20伊度现身富明尼斯 传截劫利物浦猎物
- 10-20子承父业!雷恩斯囝囝正式签约皇马
- 10-20未来老板点名 卡斯米路系「问题收购」
- 10-20遗憾的人-Jose Antonio Reyes-荷西.安东尼奥.雷
- 10-20费度:迈亚密主场赢波谢幕
- 10-20罗拔臣或抖10星期 利物浦後防危机
- 10-20舒华沙批评奥拿拿:把关技术平庸!
更多>>精选阅读