马天尼斯膺最佳门将被嘘爆 麦巴比咩反应?
2023-11-01 来源: 八一体育 点击
今届金球奖颁奖礼,阿根廷球员成为大赢家,除美斯历史性第8次赢金球奖,门将达米安马天尼斯亦荣获「耶辛奖」(最佳门将),不过佢上台领奖嗰阵就出现大片嘘声,巴黎嘅球迷不满佢喺赢世盃後对基利安麦巴比连番嘲讽,至於主角之一嘅麦巴比就全程木口木面。
颁奖礼喺巴黎举行,马天尼斯到场嗰阵已经受到「攻击」,唔少球迷向住佢大叫「麦巴比」,当大会宣布马天尼斯得奖嗰阵,现场再传出大片嘘声,要主持之一嘅杜奥巴出手呼吁观众安静。镜头亦第1时间影住同场嘅麦巴比,只见呢位法国国脚面无表情,似乎唔想有话柄再被卷入呢场是非。
31岁嘅马天尼斯亦冇任何反击动作,佢喺神秘颁奖嘉宾爸爸嘅手上领奖,事後佢表示:「能够入围15名我已经觉得好光荣,但我永远渴求赢得更多,喺我嘅梦想旅程入面出现好多绊脚石,努力战斗令我今日可以走上呢个重要舞台,我要好好享受。」
马天尼斯喺上年世盃决赛2救12码,成为阿根廷夺冠英雄,不过佢赛後多番向麦巴比挑衅,包括完场後叫队友为麦巴比「默哀1分钟」,胜利巡游期间又拎住一个「喊包麦巴比」公仔,因而得罪所有法国球迷。
上一篇:0射门+送12码 海伦同夏兰特比较系笑 | 下一篇:懒理惨败 拉舒福特蒲通宵或被处罚 |
相关阅读
- 11-01利物浦大胜献迪亚斯 哥警悬红2亿披索捉绑匪
- 11-01美斯纪录性8夺金球奖 钦点2大新星延续传奇
- 11-0120/21欧洲冠军盃十六强-切尔西2-0马竞-萨维奇吃
- 11-01发型师官宣:美斯恤靓头攞金球奖
- 11-01懒理惨败 拉舒福特蒲通宵或被处罚
- 11-01减轻球员负担 下届英联盃4强一战决胜负
- 11-01马天尼斯膺最佳门将被嘘爆 麦巴比咩反应?
- 11-017次扑救避过悲剧重演 奥拿拿是无辜的
更多>>精选阅读