欧联F组赛事，AC米兰主场迎战巴黎圣日耳门（PSG），A米上轮作客PSG净吞3蛋，跌落小组榜尾，佢哋3战仅得2和1负，系小组唯一仍未打开胜利之门球队，今仗再斗PSG，取胜机会甚微，PSG近期5连胜，而且近4次欧联对意甲球队全胜，可谓意甲克星，再追客胜。（Now 643周三凌晨4时直播）

PSG小组3战2胜1负排榜首，不过出线仲有变数，唔会放软手脚，佢哋之前试过作客纽卡素大败1比4，相信今场作客会更小心。

佢哋近期已经5连胜，上轮对A米仲打起咗李康仁，呢位22岁南韩国脚近3仗取得2入球1助攻，另外17岁新星沙利艾美利亦连续两场有「士哥」，两人已成为「麦总」嘅好帮手。

另边厢，AC米兰近期表现大跌，小组3战仅得2分排榜末兼入唔到波，前线拉菲尔利亚奥表现飘忽，仲系要靠老将基奥特；至於後防方面亦唔稳阵，近4场失咗7球，包括近两次主场对乌甸尼斯同祖云达斯都输0比1，可见主场对佢哋并无帮助，今场再战PSG唔睇好。