英锦标北部A组赛事，英甲球队黑池主场迎战英乙嘅摩甘比。黑池喺小组两连胜後已经笃定出线，不过佢哋以踢法进取见称，冇出局压力之下，主场会大踢进攻足球，3.5球入球大必捧！（周三凌晨3时开赛）

黑池今季喺英甲表现唔差，依家排喺第8位，有机会争升班，喺英锦标更加顺风顺水，上轮主场5比2大破利物浦U21後，两战全胜提早出线。黑池崇尚进攻，近6主场攻入18球，有5次总入球开4球或以上，今仗喺主场球迷面前会继续大踢进攻足球。

作客嘅摩甘比今场只需要1分即可出线，佢哋亦唔系死守型球队，对上6场作客赛事都入12球，首席射手米高美伦系苏格兰U21国脚，近6场比赛入5球状态大勇。今场虽然越级挑战，但摩甘比要出线唔会坐以待毙，无惧同黑池驳火，3.5球入球大拣得过。