域陀奥森汉放风:我有曼联同车路士波衫!
2023-11-16 来源: 八一体育 点击
拿玻里前锋域陀奥森汉系球坛抢手货,各大豪门对佢虎视眈眈,呢位尼日利亚射手日前接受前辈约翰米基尔访问,就放风希望去英超搵食,更直认自己有曼联同车路士嘅波衫!约翰米基尔抢先表示,要做「经理人」将域陀奥森汉下季带去车路士。
24岁嘅域陀奥森汉表示:「我冇特别锺意边支英超球队,但我有曼联同车路士波衫,我好多朋友都系车路士球迷,亦有啲曼联球迷,英超一向系每个非洲球员最崇尚嘅联赛。」作为前车路士球员,约翰米基尔就充当说客:「我知你下季会加盟车路士!我要做呢单转会嘅经理人,确保转会成功,自从杜奥巴离队之後,车路士就系要你呢种球员!」
域陀奥森汉喺访问中,自爆夏天几乎被沙特嘅天价酬劳吸引:「老实讲,今个夏天我冇打算转会,跟住沙特开出一个非常高嘅价钱,真系好难拒绝。我同拿玻里倾完後都决定留队,点知我一直拒绝,沙特方面就一直加码,真系好疯狂,佢哋永不放弃,个酬劳可以改变我人生,但我最後都系决定留低。」
上一篇:英超23/24赛季-切尔西4-4曼城-防线大 | 下一篇:比宁咸因伤退队 英格兰散晒! |
相关阅读
- 11-16域陀奥森汉放风:我有曼联同车路士波衫!
- 11-16普捷天奴完场丧闹球证 曼城再获争议12码
- 11-15英超23/24赛季-利物浦3-0布伦特福德-防线复活
- 11-15【西乙】卡达真拿作客硬净博和
- 11-15曼联3星退出国家队 艾历臣抖1个月
- 11-158.35亿!沙特强挖般奴费南迪斯
- 11-15【阿甲盃】葛度尔古斯当弗 上盘米走鸡
- 11-15比宁咸因伤退队 英格兰散晒!
更多>>精选阅读