欧国外J组尾轮赛事，葡萄牙主场迎战冰岛。葡萄牙虽然已经提早出线，但佢哋欧国外9连胜未见想收缰，加上主场出击例必火力全开，遇上无缘直接晋级嘅冰岛，3.5球入球大更值博。（周一凌晨3时45分开赛）

J组榜首嘅葡萄牙，查实喺上月欧国外已经落实出线，不过佢哋仍未有收缰迹象，日前作客以2比0轻取列支敦士登，今届欧国外豪取9连胜，只差1场胜仗便「十全十美」。队长C朗呢场都有进帐，累积10个士哥，未计周日赛果，依家拍住卢卡古并列今届欧国外射手榜榜首之余，呢位老将为葡军上阵204场，共入128球，斗心未减，相信佢唔会错过今场「刷数据」机会，并且为球队争取史上首次欧国外全胜纪录。

冰岛上轮力战之下，反输畀斯洛伐克2比4，肯定无缘前2直接出线席位，对冰岛嚟讲今场系例行公事，只系待欧国外打完後，睇吓有冇得踢附加赛，唔慌有战意。睇番葡萄牙主场出击例搏，近4次主场有3次开4球或以上，包括狂数卢森堡9比0，今场实多波入，3.5球大盘有计。