周日(19日)凌晨国际热身赛，明年欧国盃主办国德国「新帅效应」消退，主场以2比3不敌土耳其，德国领队拿高斯文出奇招，安排中场夏维斯改踢左後衞，呢位阿仙奴球星射入先开纪录1球，但最终因为喺禁区内犯手球，被判罚12码，导致球队输波，由功臣变罪人。

拿高斯文9月成为德国新帅第1场赢美国，上场同墨西哥打和，今仗来到第3场，「日耳曼兵团」又重回颓势，虽然开波5分钟就夏维斯射入领先，但之後被土耳其连入2球，上半场落後1比2。

换边之後，德国由前锋富克洛射入扳平，但夏维斯70分钟拦截对手射门，反而喺禁区内犯手球，被吹罚12码，可见佢并唔适应踢左後衞，土耳其由尤斯夫沙利主射12码入网赢3比2。

赛後拿高斯文解释安排夏维斯踢左後衞嘅原因：「夏维斯系1位非常出色球员，技术全面，所以我想出1个好主意，畀佢踢左後衞，佢唔会一直踢呢个位置。」夏维斯今场除咗入1球之外，仲有5次解围、2次拦截、64次触球，但亦有17次失去控球权，表现不过不失。夏维斯今季喺阿仙奴表现欠佳，依家「解锁」多一项技能，尝试踢左後衞，可能都系一条新出路。