本周英超触目大战，肯定系周六早场曼城对利物浦，边个做球证同样系球迷焦点，英超公布卡维拿治将会主吹呢场赛事。

两军领队对卡维拿治都有啲不愉快回忆，今年9月英联盃曼城0比1不敌纽卡素，「蓝月亮」主帅哥迪奥拿，因为不继抗议卡维拿治嘅决定而被黄牌警告，赛後哥帅仲忍唔住冲向卡维拿治理论。

至於「红军」领队高普就曾经喺前年2月「默西赛特郡打吡」中，就住卡维拿治判罚利物浦一个12码大发雷霆。不过除咗呢次之外，其实卡维拿治都几旺利物浦，过去15次由佢执法嘅比赛，「红军」赢咗13场。