世盃外南美区爆发宿敌对决，巴西主场硬撼阿根廷。双方咁啱喺上轮齐齐输波，巴西更加患「伤锋」，为止跌势必定小心谨慎，加上近6次交手全开2球或以下，今场唔慌多波入，捧2.5球入球细最划算。（周三早上8时30分开赛）

巴西今届世盃外开局表现麻麻，头5轮只得2胜1和2负，近2轮更先後输畀乌拉圭同哥伦比亚，王牌尼马及李察利臣早早因伤落选，翼锋云尼斯奥斯祖利亚上轮更伤出，洛迪高高斯又冇料到，虽然加比尔马天尼利上轮有士哥，但难以单天保至尊，锋力极度疲弱，有传可能要焗用刚伤愈嘅「耶稣仔」加比尔捷西斯攻坚，攻击力靠唔住，为止跌势必先巩固防守。

另边厢，阿根廷上轮净吞乌拉圭两蛋，终止之前8场全胜走势，今遇宿敌更加唔想连败失威，一定小心为上。查实呢支应届世盃盟主防守稳健，近9场有8次保持清白之身，不过前线仍太倚赖队长美斯数胡，当球王被冻结进攻即打折扣，何况两军近6次碰头，全部都系1球起、2球止，大家都唔想输嘅情况下，一定踢得保守，入球细乃明智之选。