周二(21日)晚世界盃外围赛亚洲区「中韩大战」，南韩凭孙兴民2射1传作客大胜中国3比0，比赛过程中发生小插曲，竟然有1位国内球迷够胆身穿热刺波衫入场为孙兴民打气，并同其他中国球迷发生口角，遭到围攻，被闹系汉奸。

呢位「热刺球迷」坐入中国队球迷区，当孙兴民入波之後，佢更加高举热刺球衣大肆庆祝，自然引起国足支持者不满，唔少人建议佢坐去南韩球迷区域，但佢一於少理，甚做出不文手势挑衅。

原本以为佢系南韩人，点知呢位仁兄讲得一口流利中文，令在场中国队迷更加火滚，大闹佢系汉奸，更加有人向佢掟水樽，幸好并冇掟中，最终保安人员介入，请佢离开，先至平息事件。