格连活特今季被曼联外借去基达菲之後，愈战愈勇，上仗西甲更加射入世界波，各项赛事上阵11场入4球，根据西班牙《马卡报》爆料，2大西甲豪门皇马及巴塞隆拿都计划明年1月向曼联收购呢位22岁英格兰前锋。

皇马今夏签入英格兰国脚祖迪比宁咸，效果非常成功，希望买埋格连活特，组成「全英」进攻组合，加上基达菲属於马德里球会，格连活特喺当地生活得非常开心，相信亦乐意转投同市嘅皇马，令事业更上一层楼。此外，巴塞隆拿会方亦留意到格连活特嘅出色表现，同样希望将佢收归旗下。

另外，《The Athletic》指基达菲计划明年4月同曼联商讨买断格连活特嘅可能性，但出手似乎比较慢，加上财力亦唔及皇马、巴塞隆拿，估计基达菲难以留住呢位猛将。