非洲足球先生颁奖礼周二(12日)凌晨举行，效力拿玻里嘅前锋域陀奥森汉，成功击败利物浦球星穆罕默德沙拿同巴黎圣日耳门嘅阿舒拉夫当选，成为尼日利亚24年来首个得奖球员。

24岁嘅域陀奥森汉上季表现出色，带领拿玻里重夺意甲冠军，佢亦以26球成为神射手，喺早前金球奖选举排名第8位，不过喺呢个非洲足协举办嘅颁奖礼就成功「登顶」。

尼日利亚对上一次有球员得奖，已经要数到1999年嘅阿仙奴前锋简奴，简奴得奖嗰阵域陀奥森汉只系几个月大嘅BB。域陀奥森汉下一个任务，就系要帮尼日利亚喺明年1月嘅非国盃争夺冠军。