英国富商拉特克利夫即将买入曼联25%股份，佢近日出版嘅新书之中，亦有提到曼联队长般奴费南迪斯，但就暗寸呢位葡萄牙国脚场上行为「冇品」，拉特克利夫日後成为红魔鬼话事人，恐怕般费冇运行。

拉特克利夫喺书中讲到一次环太平洋旅行之中，睇过1场榄球赛事，大赞双方球员落力比赛，相撞时简直感到地面都在震动，结果有1位球员骨折，被抬上救护车送入医院。同时暗寸曼联球员比赛态度差，指曼联上季作客以0比7大败於利物浦脚下，般奴费南迪斯并冇被对手整到面部，但却掩面扮痛苦。

其实拉特克利夫已经唔系第一次批评曼联球员，佢曾於10月指卡斯米路系「问题收购」，呢2位红魔鬼中场将来真系要打醒十二分精神。